大家好,我叫so ball,又名傻波. 話說我自細都係瘦猛猛,唔肯食嘢,餐餐都食唔晒... 直至到舊年年頭我做公公之後,情況嚟個180度大轉變. 我由瘦波變咗做肥波. 於是媽咪下令我要減肥,經過大半年ge努力,我終於見得番條腰... 於是前嗰排媽咪又買咗個南瓜,準備再整個南瓜盅我嘆.
拿,我媽咪就係跟住呢個食譜整比我食ga啦...
媽咪話呢幾日佢放假,但係咁啱遇著落雨,帶唔到我出去玩,今晚就整番個南瓜盅比我補數. 我本來咩都唔知ga,直到媽咪食完飯,我見佢拎晒d材料出嚟我就知啦,我見到除咗南瓜之外,仲有魚柳,車厘茄,生菜,甘荀,pasta,仲有我最鍾意ge芝士呀!!!
跟住我見到婆婆幫手切開個南瓜(因為媽咪平日好少煮嘢食,唔識得切個蓋出嚟):
霹一聲,我見到個南瓜比婆婆劈開咗:
嘩,我聞到好香ge南瓜味呀,媽媽已經有一年無整過比我食啦...
然後媽咪同婆婆一齊刮晒入面d核出嚟:
哈,咁個南瓜盅就成咗初形啦:
跟住媽咪將d魚柳放入個南瓜盅度一齊蒸. 同時媽咪仲要煮熟d pasta:
d pasta好快就熟咗,媽咪就切好晒其他蔬菜:
過多十幾分鐘,個南瓜都蒸熟啦:
好好好香呀!!!! 真係引死我!
d材料攪掂晒啦,但個南瓜盅熱得滯,媽咪話要攤凍佢:
而我就淨係有得聞,無得食!
都係婆婆最好,話個蓋凍d,比我食一啖先:
乖乖不得了,食完一啖我真係好想食晒成個呀!!!
你比我食啦,我唔怕熱ga...
媽咪見我咁心急,就搵d凍水座凍個南瓜盅.隔咗一陣,食得啦... 睇下我個豐富晚餐 (唔好意思,崩咗少少,因為我頭先咬咗一啖):
媽咪話做good boy要stay咗先有得食:
等咗咁耐,媽咪仲要人地詐死,我最憎做呢個動作,但係為咗食,都要屈就下啦:
我好有衣食ga,蓋都唔好嘥,食埋佢!
繼續努力:
食到呢度,媽咪話我食得太多啦,攞起咗呢d:
我唔制呀!!!!
但原來我真係食咗好多...死火,我好飽呀,個肚仔仲漲晒tim. 飯氣攻心,都係瞓番一陣先,講住咁多先,各位,good nite~
